Lucy's Cup (已結業)

今日經過荃灣路德圍有間手搖飲品店好似幾吸引咁, 於是就買左幾杯同朋友開心Share, 唔好睇佢細細間其實提供多款唔同嘅飲品, 例如有重量級水果茶, 奶茶系列, 桂花系列, 仲有沙冰, 芝士, 奶蓋, 咖啡等等, 真係無選擇困難症都搞唔掂🤣 外面仲有應援產品同相可以影相打卡!🌟藍天白雲E杯其實係益力多乳酸沙冰, 藍白色嘅沙冰打卡一流, 味道酸酸甜甜好解渴!🌟檸檬蜂蜜綠茶檸檬味幾清新, 帶微微蜂蜜甜味, 飲落清清地, 味道唔錯🌟招牌重量級水果茶水果茶嘅茶底揀左四季春清烏龍, 入面裝滿水果片, 杯身仲插住左枝叉, 方便食用入面嘅水果, 相當貼心! 飲落好重果香味, 味道清新, 甜度適中!