泰Grill (享和街)

位於荃灣廣場附近新開嘅泰國餐廳，之前係海南雞雞煲店，依家重新裝修變成泰國餐廳。晚市入到去已經好熱鬧，建議大家去之前先book定位。🍤蛋包虎蝦炒金邊粉 $128兩隻虎蝦炸到好香口，個蛋網包住金邊粉，令個賣相生色不少。入面啲金邊粉甜甜地又辣辣地，口感煙靭。🥗豬頸肉酸辣沙律 $78睇錯咗以為呢個係豬頸肉青木瓜沙律，雖然冇青木瓜不過都好好食，個沙律以豬頸肉、洋蔥、青瓜🥒所製成，酸酸甜甜好開胃。最重要係啲豬頸肉切到薄薄地，外層焦香，肉質鮮嫩。🥖蒜蓉包（五塊） $35突然想食蒜蓉包，喺冇點咖喱嘅情況下，就咁食已經好夠味，包面上有勁多蒜蓉。🥓豬頸肉（一份） $78一份嘅份量真係幾多，而且每一塊都切得好均勻，外層焦香，內層又口感軟嫩，就咁食已經好好味，點埋個醬汁就咁惹味。整體而言：食物款款都味道好正宗，上菜速度快。今日帶埋👶🏻一齊去食，餐廳都好細心提供埋BB凳，而且BB搞搞震嗰陣🤣，餐廳職員留意到枱面倒瀉水，即刻遞上紙巾，感覺好窩心💙。值得再來。