御米之家

營業中

休息中

屋企附近新開嘅小店，地點就喺熊貓酒店附近，本來諗住叫外賣，但見到有張小枱，又想趁熱食咗個腸粉，最後坐低食~🔘吞拿魚粟米飯團 $36採用日本米，標榜冇味精， 飯團嘅口感的確唔錯，而且幾足料，吞拿魚、青瓜絲同粟米係幾清爽嘅配搭，感覺輕盈健康~🔘手撕雞炒腸粉 $48腸粉炒得幾乾身唔油膩亦唔會炒到爛晒，幾多雞絲同青瓜絲，調味剛好～🔘鮮奶桃膠 $32叫咗走甜，鮮奶本身都有甜味，所以走甜完全冇問題，桃膠最緊要煮得夠腍，鍾意佢有大量纖維，幫助通便一流🤣🤣🤣老闆娘話遲啲會推出芝士奶蓋系列，遲啲會再嚟試吓~～