品川日本料理 (已結業)

講到放題嘅話， 好多人可能都諗起旺角d放題，不過其實荃灣都有好食嘅放題嫁！坐落係荃灣海之戀商場嘅品川，就係其中一間相當有水準嘅日式放題。餐廳採用天然採光，用落地玻璃，可以望到荃灣嘅海景。講返野食先，我最中意嘅就係燒牛舌，火候恰到好處，外焦內脆，肉汁鎖住曬，非常juicy！另外，推介嘅係泡菜煮豚肉，有d食緊韓式部隊鍋咁感覺，幾特別。至於刺身，以三文魚同帶子最岀色，不過如果可以厚切d就好啦。唔好以為，放係岀面拎嘅野就係質素比較差啦，入面有d急凍蝦幾好食。野飲方面都幾多選擇，有啤酒茶同汽水，同埋清酒，朋友話都幾好飲，我自己少飲野，就無試到。總體黎講，三百幾蚊嘅放題，算係中上水平，加上有無敵海景，真係值得一試！