瀛喜日本料理 (已結業)

媽咪好鐘意食放題，一早bk左今晚帶佢去食！近近地就係路德圍果間瀛喜放題，我bk左5:15，兩位同行一位半價，另外要加一，咁就354蚊兩位，係bk位時個職員已經講定！其實都幾平丫！比起旺角既放題，埋單都要二百幾蚊個啦！媽咪最鐘意食刺身，刺身都叫左兩轉，仲有炸物，壽司，一口料理，焗帶子，沙津等等！我地唔貪心食幾多點幾多！大致上都ok既，我就搵左幾款覺得應該要點黎食既食物既介紹下！刺身都好新鮮，都係算切得厚，甜蝦好鮮甜！焗扇貝，外層有芝士，入面有沙津醬！好好味！炸物紫芋波，外脆內軟，有濃濃既紫芋蓉，唔會塞得太full太甜太溜～炸蠔都好味，粉唔會太厚！炸雞翼！必食！好香口，加埋芝麻上去炸！好香芝麻味！必食