Catee (已結業)

今次嚟到荃灣一間隠世餐廳，晚餐選擇多精選晚餐奉送是日餐湯飲品同甜品，另外餐牌上所有主菜加$30都可以轉做套餐。平時威靈頓牛柳就食得多啦，今次見餐廳有威靈頓三文魚，所以梗係試吓啦，三文魚呈鮮橙色焗得啱啱好，食落唔會太生或者太熟，另外配有沙律菜，減少油膩感覺。明太子蟹肉燴意大利麵，明太子份量非常多😍，呢個意粉超級好食，忌廉汁好香濃，每條意大利麵都沾滿忌廉汁，未到調校得啱啱好，食到最後仲有好多明太子係底添。甜品焗棉花糖朱古力，棉花糖焗到脹卜卜，面層焗到金黃色，下層係朱古力🍫，再放喺餅乾上面食，層次感非常豐富。😋