越男仔 (已結業)

嚟到大壩街嘅越男仔，餐牌上有好多唔同越南菜式嘅選擇，飯、檬粉、湯河同小食應有盡有，而且晚餐仲有優惠，可以叫主菜之後，再跟餐加配小食同飲品🥤，夠晒豐富。 ✨火辣蒜椒雞扒拼脆豬肉撈檬平時食撈檬多數都係得一種配搭，今晚可以試下叫雙拼啦～雖然餐牌上面有隻辣椒仔🌶️，但只係雞扒上面有少少🤏辣醬，唔算好辣，蒜椒雞扒惹味香口，加上脆豬肉一粒粒脆卜卜，都唔錯㗎！而且撈檬嘅份量都好大碗，口感爽滑彈牙，配埋魚露甜酸汁，酸酸甜甜，非常醒胃。✨越式蝦餅跟餐仲可以配搭唔同嘅小食，有雞翼、春卷、蒜蓉包等等。我就揀咗加配蝦餅，蝦餅新鮮炸起，酥脆又唔油膩。✨咸檸七🍋仲有我鍾意嘅咸檸七，咸檸檬加梳打水呢個組合，消暑又解渴！