影片
更多
2010-02-16
14 瀏覽
某星期六的下午2時多到達, 人不多, 但位於扶手電梯旁, 只有3-4張擡, 我想賣外賣居多, 呢間小店只賣熱狗, 應該有水準吧!!?? 熱狗此等食品都係即整即食會好味一點, 都係決定坐係現場食!!見餐牌上有二十多種熱狗選擇, 每隻唔同材料, 醬汁同香腸, 又可以選擇套餐, 仲有飛碟套餐, 意式烘三文治, 淨香腸等, 真係花多眼亂睇完一輪, 我選擇左墨西哥辣肉醬芝士熱狗套餐($38), 並吩咐店員分開兩件, 因為即叫即製, 都等左成10分鐘左右, 麵包唔算好, 只係比一隻手掌長些少, 烘得熱熱的, 面頭亦脆脆的, 腸用上德國的紐倫堡豬肉腸, 配上墨西哥辣肉醬同車打芝士, 紐倫堡豬肉腸味道淡淡的, 應該是用水烚熟的, 而辣肉醬只有少量微辣的肉碎, 車打芝士已經全溶, 但味道並唔係非常香濃, 所以整體配合得唔算好出色太座點的係中美辣椒芝士狗($48), 呢個麵包烘得有少許燶, 係有點過左火了, 腸用上兩條短短的黑椒腸, 我share食半個已經可以獨享用一條腸, 腸同上一樣係白烚, 不過因為有黑椒係入面, 所以已經係微辣, 加上有脆製青辣椒同酸椰菜(唔係佢地自製, 只係買回來), 再配合用車打
見餐牌上有二十多種熱狗選擇, 每隻唔同材料, 醬汁同香腸, 又可以選擇套餐, 仲有飛碟套餐, 意式烘三文治, 淨香腸等, 真係花多眼亂
睇完一輪, 我選擇左墨西哥辣肉醬芝士熱狗套餐($38), 並吩咐店員分開兩件, 因為即叫即製, 都等左成10分鐘左右, 麵包唔算好, 只係比一隻手掌長些少, 烘得熱熱的, 面頭亦脆脆的, 腸用上德國的紐倫堡豬肉腸, 配上墨西哥辣肉醬同車打芝士, 紐倫堡豬肉腸味道淡淡的, 應該是用水烚熟的, 而辣肉醬只有少量微辣的肉碎, 車打芝士已經全溶, 但味道並唔係非常香濃, 所以整體配合得唔算好出色
太座點的係中美辣椒芝士狗($48), 呢個麵包烘得有少許燶, 係有點過左火了, 腸用上兩條短短的黑椒腸, 我share食半個已經可以獨享用一條腸, 腸同上一樣係白烚, 不過因為有黑椒係入面, 所以已經係微辣, 加上有脆製青辣椒同酸椰菜(唔係佢地自製, 只係買回來), 再配合用車打芝士加茄汁, 芥末汁同墨西哥辣椒汁(唔知係味辣椒仔??), 呢個以辣為主, 再加上酸菜同芝士的配搭竟然不錯, 其實整體上唔算得好辣
餐飲我要左一杯熱榛子咖啡, 聞落去有香濃的榛子味, 但飲落去卻只有淡淡的榛子香, 而咖啡味更加是欠奉, 完全失望, 三合一沖的還要比他濃一點, 而太座加左$2要凍榛子咖啡, 點知有同熱的同一問題, 而且加左冰, 更加淡上加淡, 敗北之作
,
其實小店誠意可加, 服務亦好, 尤其外賣的包裝實在精緻, 雖然價錢並不便宜, 但亦有好多改善空間, 例如香腸可以用烘焗或煎的方式, 比白烚更加吸引, 咖啡亦一定要提高水準, 如果未能提高, 不如用回汽水, 檸荼便算, 否則好似我咁, 食完不錯的熱狗但竟碰上令人失望的咖啡作結, 你說幾咁大殺風景
張貼
