爆丼丼 (已結業)

近呢年，市面多咗好多海鮮刺身丼，多數集中喺旺角，尖嘴同銅鑼灣。聽朋友講荃灣白楊街街市附近都開咗間高質素嘅海鮮丼喎，一放工即刻去試吓先。餐廳叫爆丼丼，地址喺荃灣寶石樓附近，都唔算太難搵。去到七點鐘未夠，但已經九成爆，似乎幾高人氣。餐牌啲相片全部都好吸引，最後選咗佢哋嘅鎮店之寶-「四重爆丼」，個friend佢就揀咗「極上生魚丼」。每個飯都會跟碗麵史湯👍🏻極上生魚丼有三文魚腩，海膽，赤蝦，帶子同油甘魚。D蝦好大隻，份量亦好多吓。個friend話very good 👍🏻👍🏻👍🏻 有挑蝦腸，值得一讚👍🏻👍🏻👍🏻都我嗰碗四重爆丼了，一個字，「勁」啊！我諗我個飯有用到超過一版嘅海膽，三文魚子亦大大粒好晶凝通透！食落口好鮮味好正！好有質素！依度啲刺身丼，用嘅碗比出面食嗰啲應該大左差唔多5成，所以無論飯同刺身都多左，食完好飽，亦覺得好抵食！女生如果一個人嚟食真係未必食得晒。