影片
更多
2022-08-10
3210 瀏覽
如心開左間好high class嘅日本野🇯🇵而最近又想同男朋友慶祝下，所以就book左呢間食晚飯❤️一入樓面，感覺好寬敞好乾淨，入面仲有一部好有特色嘅清酒販賣機！聽店員講有分4大類嘅清酒，喺order成支之前可以先試下一杯仔，睇下自己鐘唔鐘意😍我哋點左set B，有刺身、天婦羅同埋啲主食。帆立貝蟹籽沙津 — 配搭左青瓜、火箭菜、蕃茄仔呢啲蔬菜，帆立貝夠鮮甜，再淋上柚子汁，酸酸甜甜好開胃😆刺身5點 — 每件都望落好有光澤，食落唔腥之餘，仲有陣陣嘅魚油香🦪最欣賞係隻生蠔，雖然唔稱得上好肥美，但有濃郁嘅蠔味😍極上雜錦天婦羅 — 有蝦、魷魚、蓮藕等等，粉漿夠薄，而且係即叫即炸，夠哂新鮮😋鰻魚炒飯 — 每一粒飯都沾上濃厚嘅鰻魚汁，鰻魚亦好肥美，食落每一啖都好滿足🥰日式香辣蕃茄虎蝦意粉 — 隻蝦係新鮮蝦，所以食落好有口感夠哂彈，而且好有蕃茄嘅香味～但辣度方面就有啲重手🥵（不過可能我唔係點食到辣🤣）最後食埋個焙茶雪糕，呢幾日咁熱，食完透心涼😘
一入樓面，感覺好寬敞好乾淨，入面仲有一部好有特色嘅清酒販賣機！聽店員講有分4大類嘅清酒，喺order成支之前可以先試下一杯仔，睇下自己鐘唔鐘意😍
我哋點左set B，有刺身、天婦羅同埋啲主食。
帆立貝蟹籽沙津 — 配搭左青瓜、火箭菜、蕃茄仔呢啲蔬菜，帆立貝夠鮮甜，再淋上柚子汁，酸酸甜甜好開胃😆
刺身5點 — 每件都望落好有光澤，食落唔腥之餘，仲有陣陣嘅魚油香🦪最欣賞係隻生蠔，雖然唔稱得上好肥美，但有濃郁嘅蠔味😍
極上雜錦天婦羅 — 有蝦、魷魚、蓮藕等等，粉漿夠薄，而且係即叫即炸，夠哂新鮮😋
鰻魚炒飯 — 每一粒飯都沾上濃厚嘅鰻魚汁，鰻魚亦好肥美，食落每一啖都好滿足🥰
日式香辣蕃茄虎蝦意粉 — 隻蝦係新鮮蝦，所以食落好有口感夠哂彈，而且好有蕃茄嘅香味～但辣度方面就有啲重手🥵（不過可能我唔係點食到辣🤣）
最後食埋個焙茶雪糕，呢幾日咁熱，食完透心涼😘
張貼
