劉興記生煎包專門店

營業中

休息中

前排行過街市街附近，發現開左間新野，門口仲有條人龍，今日6:00pm過黎，條人龍嚇死人🙈，好彩係外賣隊，堂食岩岩好仲剩一張格枱。點左幾款野食都吾錯，價錢不貴，所有野即叫即整，都等左十分鐘先上齊所有菜。招牌生煎包 $20 兩隻原本想點蟹皇生煎包，但甘早以經賣晒🙊，點個普通版過下口癮先。生煎包每日即包即煎，一啖咬開，濃郁的湯汁嗶晒出來，吾小心仲辣埋個嘴👅。上海排骨菜飯$42排骨同飯係分開上，不得不讚個排骨真係炸到外脆內軟，食到椒鹽香味，切到細細條又方便進食。個菜飯就咁食都好香。雞絲酸辣湯$30雞絲份量不多，但其他配料份量充足，勁多冬菇同荀。湯都夠晒酸帶少少微辣，好開胃。