拉麵台風 (已搬遷) 新店位置

📍 拉麵台風🗓️ 31 May 2023一想食拉麵，自然就會諗到拉麵台風，因為真係大碗又好食。不過好多時候都要排一陣隊先有得食，排隊嘅時候會比埋點餐只你叫定先。點餐只有得揀拉麵款式、麵量、醬汁濃度等。呢度嘅餐牌，每次睇都覺得係咁靚。🍜 魚介豬骨湯拉麵$78 由於我揀要多醬汁，所以湯底嘅味道真係非常濃，我個人重口味，所以覺得好正，仲會加埋蒜蓉，味道更上一層樓。🍜 限定台風 - 海蝦鹽豬骨湯拉麵 $88湯底又好濃嘅蝦味，不過比起濃郁嘅蝦湯，呢款係比較清新嘅，所以食完都唔會覺得太膩。我每次都係食湯拉麵，第一次去嘅時候叫正常份量，發現超級大碗，所以之後每次都係叫50%麵量，都夠哂飽㗎。每碗湯拉麵都會有半隻半熟蛋、少量竹筍、一塊紫菜以及兩款叉燒。好滿足！如果你叫50%麵量的話，會俾你免費揀一個配菜，有叉燒、紫菜、芽菜、半熟蛋同埋 辣味竹筍揀，而我每次都係揀辣味竹筍。所以台風真係荃灣好抵食嘅拉麵，非常推薦！