影片
更多
2021-03-09
232 瀏覽
下午茶時段（14:30 - 18:00）去食真係抵到爛，所有嘢都係13蚊❗️係13蚊啊❗️宜家仲有邊度有得食到，唔係正係點心，連佢啲蒸飯都係一律13蚊。不過我想食點心多啲，所以就冇嗌到蒸飯la。除左下午茶時段之外，佢外賣都有做緊折，好似係6點後五折，唔係好肯定，都好抵食，但係個人覺得下午茶時段最抵🤤 不過果日我平日3點幾去到，已經好多人排緊隊，排左應該超過半個鐘先入到去。如果唔想排咁耐既話，最好早過14:30到定排定先，或者4點幾5點先去，應該可以避到啲人流。 講到呢度既點心，選擇都幾多，大路嘢好似燒賣蝦餃腸粉果啲都齊曬，質素正正常常，唔可以話超好食咁，不過呢個價錢，呢個質素，已經超曬班。我同朋友嗌到成枱餸，埋單都係100蚊多啲，食完之後晚餐都食唔落😂不過幾搞笑既係，我同朋友兩個人去，tick左勁多點心，多到落單個姐姐見到之後都問我地，你地係咪真係食得曬架，食得曬先好嗌wor😂不過我地最後都食得曬😎 必點 💯黑金奶黃流沙包呢個我覺得係全部嘢入面最好食既，淨係睇個樣都已經覺得好靚，有種高級既感覺😂然後內餡真係有流心既效果，幾濃鹹蛋黃既鹹香，我自己一個人都食左兩件。 💯冬茸灌湯餃灌湯餃絕
必點
💯黑金奶黃流沙包
呢個我覺得係全部嘢入面最好食既，淨係睇個樣都已經覺得好靚，有種高級既感覺😂然後內餡真係有流心既效果，幾濃鹹蛋黃既鹹香，我自己一個人都食左兩件。 💯冬茸灌湯餃
灌湯餃絕對係點心皇！平時去飲茶都唔捨得嗌，一件已經計特點。呢度都係13蚊咋，唔係唔嗌阿嘛。灌湯餃係正常發揮，係好食既！啲料都幾足！ 💯蝦餃皇
呢個真係估唔到！蝦餃皮唔會太厚，入面啲蝦勁大隻勁飽滿，食落口好滿足！
💯脆皮蝦腸粉
唔係間間都有得食，自己本身鍾意脆口油炸既嘢，所以見到呢個即刻揀左。佢呢度腸粉既皮就有啲厚，但係呢個脆皮蝦腸粉中間有啲炸左既位，配合埋就好好食！ 💯鮮蝦炸雲吞
又係啲蝦大大隻，個雲吞炸得好脆，亦都唔會炸到好油。
正常發揮
⭕️鮮蝦燒賣皇
正常燒賣味，冇咩特別。鍾意食燒賣既可以嗌。
⭕️上湯鮮竹卷
食落去有少少爆汁既效果，但係我嫌佢有少少唔夠味，味道偏淡。 ⭕️鮮蝦菠菜餃
呢個其實都好好食，但係相對個蝦餃皇冇咁驚艷既感覺。
⭕️魚翅餃
我第一次見魚翅餃呢樣嘢😂係咪我見識少。佢又係好足料，入面塞滿左豬肉同埋唔知係咪真係魚翅。係咪都好，係好食既。 ⭕️珍寶蝦春捲
一送到黎，個樣好靚仔，用一個高身既杯裝住。炸得好脆，唔錯。 ⭕️芥末海鮮春卷
對呢個期待值好高，本身諗住個芥末味會出啲，但係其實佢入面係好似平時酒樓食果啲入面包住啲菠蘿啊沙律醬啊蝦既春卷（唔記得呢樣嘢係叫咩名😂）差就唔係差既，但係可能我對佢太期待。
⭕️蜜汁叉燒腸
叉燒腸係我去飲茶必嗌既點心。碟叉燒腸同另外果碟腸粉都係，佢係滑既，但係個皮過厚，不過對我黎叉燒腸又好難唔好食既。
可以唔洗嗌
❌上素腐皮卷
呢個真係麻麻地，啲餡料係好食既，但係真係炸得太太太油la，同埋個人覺得個皮有啲淋。又淋又油😨 總括黎講呢間點心店，個人覺得非常抵食，鍾意食點心鍾意飲茶既話，絕對推薦黎試。
張貼
