波仔

營業中

休息中

由細食到大嘅叮叮飯品牌，相信大家都唔陌生，佢哋最近喺荃灣開咗個全新熱食檔，有多款港式街頭小食、蒸飯、燉湯、仲有特色飲品供應，店內環境幾大，五個雪櫃連同站立枱，堂食或外賣都得。熟食有經典嘅燒賣魚蛋、茶葉蛋、粉粿、鮮竹卷、珍珠雞、便利店炸物等。私心推介蝦餃，六大粒，皮薄餡靚、豬肉燒賣比較少見，豬肉味香濃，咬落彈牙，大人小朋友都鍾意，幾值得買。粉麵飯食咗香辣豬肉炒河同咖喱牛腩飯，前者麵條軟硬度適中，醬汁夠多，足以撈麵、咖喱香濃惹味，牛腩份量唔少而且啖啖肉，飯軟糯可口，配咖喱食唔覺唔覺就食晒。差唔多到端午節，所以要咗個鹹肉糭。入面有原隻蛋黃，飯夠糯，鹹香美味，會encore。章魚合掌瓜燉湯好足料，飲落暖味，無味精感覺養生。抹茶虎堅果燕麥奶嘅茶同奶味幾balance，唔想飲廢水嘅呢款都係個唔錯嘅選擇。