喜悅甜品 (已結業)

行街攰攰地, 想搵甜品店坐低慢慢食, 遇上有優惠, 很抵食!下午茶優惠有很多款, 比原價平很多!我決定選擇較健康, 以水果為主的生果奶凍。老公就選喜歡的雪糕香蕉船。奶凍甜度適中, 彈彈下, 奶味足夠, 生果種類算多, 十分超值。香蕉船有三球雪糕, 揀左綠茶, 曲奇, 云尼拿, 仲有其他款任揀, 下次會試榴槤! 配料有朱古力脆脆及麥提沙, 食完很滿足, 感到小店的盛意。小店另提供小食, 鄰座客人點了鹽水雞腳, 吃得津津有味, 一碟足足有3大隻, 亦很經濟18元一碟! 仲見鄰坐點了雪糕窩夫, 老公話下次留肚會試。店舖細細, 因非位處大街, 無需等位, 我決定下次一定再會光顧。