喫麵 (愉景新城) (已結業)

希望一切衰嘢都隨著除夕過去，明天有新的一年新開始，唔使再食啲咁差嘅嘢。預早訂咗位，去到原來係快餐店，職員話可以係位用QR code 點餐，點知去到比錢位就死機做唔到落去（但我部手機其他功能工常），唯有出返去門口用點餐機點餐比錢，到有食物時，職員如果唔見你去攞餐，都只係係度大聲叫「（枱號）枱有餐啦，去攞啦」完全唔會幫你。今晚老婆叫咗個雞喇沙，雞都算多，但似乎煮老咗啲，個喇沙湯底就較淡。我就中咗伏嘞，叫咗個曼谷牛腩飯，上檯仲以為佢比錯，攞出去問返職員係乜野，佢話係「船飯」，我話要曼谷牛腩飯喎，佢話啱係同一樣嘢啫，唯有硬食啦，食落只可以話係豉油水加少少菜同4粒手指公大嘅肉丸仲有兩粒骰仔咁大嘅牛肉再加幾條半淋不脆嘅"炸" 豬皮，再加一碗白飯，牛肉好鞋，咁嘅嘢價錢竟然收$88只希望新一年唔使再食呢類中伏飯。