大井町日式放題 (已結業)

星期日晚飯當然要食好D，今次同男朋友轉戰入荃灣食放題，大井町是同事介紹新開的日式放題餐廳，店舖寬敞，裝潢時尚，一入到餐飲就見到一個個的大雪櫃擺放各式各樣的飲品，日式和果子，法式甜品，維記雪米糍，沙律水果吧.........太吸引了，好似食酒店自助餐咁^^一坐低，梗系要點番兩盤剌身醫下肚先，試左三文魚，油甘魚，帶子，甜蝦，劍魚腩三文魚同油甘魚系水準之上，夠新鮮又有油脂香。帶子同甜蝦都大大隻，好驚喜又鮮甜，最特別系劍魚腩，香港好少有得食，但竟然會向放題食到，味道夠爽魚味十足。它的特色卷物選擇算多，決定叫晒4款慢慢品嚐，蟹籽軟殼蟹卷夠脆加埋粒粒蟹籽有口感，鰻魚青瓜卷，鰻魚燒得鬆脆，燒芝士三文魚卷水平之上，用料十足，芒果肥牛卷夠新穎，肥牛很juicy，啖啖肉，芒果夠熟又夠甜。燒物方面，最喜歡燒鯖魚同海鹽燒蝦，燒鯖魚唔會燒得太乾，魚肉夠juicy又唔算太多魚油，另外，海鹽燒蝦燒得剛好，保持到蝦身爽口，仲有淡淡海鹽咸味，不錯不錯。炸物只選了炸蝦同炸甜薯，餐廳應該用新鮮油炸的，很香脆又冇油"益"味，上菜仲熱咧咧。整體而言，用餐經驗不錯，待應服務周到，不時幫忙更換餐碟，很細心，今餐飯仲抽到新開業大獎，