影片
更多
2023-08-10
1139 瀏覽
今次👦🏻👧🏻去荃灣睇戲之前要醫下肚仔，決定要食個火鍋大餐🍲，就揀咗朋友推介嘅大滾友！地點非常就腳，就係主要巴士站附近！而餐廳嘅裝修、餐具亦非常有特色。食物尤其是肉類表現突出，絕對值得Encore！🌟玲瓏浮凸•花膠雞湯鍋（半隻）店員先呈上花膠雞湯，再即席剪大塊嘅花膠(魚肚)，花膠份量十分足料，就算剪到好大舊，都起碼有15片！而雞件🐥就預先煮到半熟，變相落鍋後唔洗煮太耐就食得！店員建議先飲碗雞湯先再落料打邊爐，湯底有非常濃郁嘅湯味，鮮甜唔油膩，飲完都唔覺口渴！另外值得一讚嘅係加湯時唔係加普通清水/豬骨湯，而係照落花膠雞湯！🌟伊比利亞橡果豬首先要介紹意想不到地出色嘅伊比利亞橡果豬！雖然脂肪唔算少，但係脂肪分佈非常平均，煮熟後其實肉眼亦難以辨認瘦/肥肉。橡果豬質感嫩滑，入口即化，肉味甜度頗高，入口真係食到有橡果味！絕對係必叫肉類之一！🌟頂級雪花牛肉呢份雪花牛肉絕對對得起價錢！牛肉嘅紋路真係好靚，肉味極度濃郁！🌟三重芝士腐乳牛丸（四粒）餐廳提供嘅手打丸類選擇不少，當中亦具創新元素，包括👦🏻👧🏻揀嘅芝士腐乳牛丸！牛丸幾滑身唔鞋口，咬開牛丸後仲有水牛芝士，可以拉芝！腐乳味相對微弱，唔會搶咗各種食材嘅
🌟玲瓏浮凸•花膠雞湯鍋（半隻）
店員先呈上花膠雞湯，再即席剪大塊嘅花膠(魚肚)，花膠份量十分足料，就算剪到好大舊，都起碼有15片！而雞件🐥就預先煮到半熟，變相落鍋後唔洗煮太耐就食得！店員建議先飲碗雞湯先再落料打邊爐，湯底有非常濃郁嘅湯味，鮮甜唔油膩，飲完都唔覺口渴！另外值得一讚嘅係加湯時唔係加普通清水/豬骨湯，而係照落花膠雞湯！
🌟伊比利亞橡果豬
首先要介紹意想不到地出色嘅伊比利亞橡果豬！雖然脂肪唔算少，但係脂肪分佈非常平均，煮熟後其實肉眼亦難以辨認瘦/肥肉。橡果豬質感嫩滑，入口即化，肉味甜度頗高，入口真係食到有橡果味！絕對係必叫肉類之一！
🌟頂級雪花牛肉
呢份雪花牛肉絕對對得起價錢！牛肉嘅紋路真係好靚，肉味極度濃郁！
🌟三重芝士腐乳牛丸（四粒）
餐廳提供嘅手打丸類選擇不少，當中亦具創新元素，包括👦🏻👧🏻揀嘅芝士腐乳牛丸！牛丸幾滑身唔鞋口，咬開牛丸後仲有水牛芝士，可以拉芝！腐乳味相對微弱，唔會搶咗各種食材嘅風頭但又會感覺到佢嘅存在！
🌟大滾友響鈴拼盤
響鈴拼盤有齊原味同咸蛋黃味響鈴，原味就同平時食開嘅差唔多，富有豆香味；咸蛋黃味嘅響鈴就會深色少少，浸湯後質感較鬆脆一點，咸蛋黃味都明顯！
🌟大滾友雜菜拼盤
食咁多肉類，緊係要食返多啲菜平衡下！雜菜拼盤內嘅款式同份量都幾多，有油麥菜、娃娃菜、番茄🍅、窩荀、木耳、粟米🌽、蓮藕、淮山。
🌟自家製足料竹蔗茅根
打邊爐邊少得飲品，今次就揀咗竹蔗茅根！味道清香但唔算甜！另外值得一提飲品器皿係好有古代風味嘅龍頭壺！
張貼
