拉麵台風 (已搬遷) 新店位置

近日，在荃灣一田百貨上班，今日，同事話見到哩間拉麵在 openrice 頗多食評，就慕名而來，點知 ……拉面賣相很吸引，期望也過高了，湯底濃色味淡，似開出來不是熬出來、叉燒極瘦鞋口冇味，似食梗煲完湯嘅湯渣、拉麵呈方形介口硬身零彈口，膠著一大舊，食得好吃力。本人格言：＂唔好食嘅嘢唔好放落口，唔鍾意嘅人唔會放身邊＂，結果，食到三份二個麵，我放棄了，仲想追討佢精神損失費，咁嘅口味嘅拉麵居然要 $78，貼近名牌拉麵一蘭嘅價錢，簡直匪夷所思。唯一一讚，拉麵隻蛋係流心、有服務，不過，是此拉麵嘅經歷，已令本人身心受創。唔明白，openrice 點解會有咁多好評，晚巿點解會排長龍，究竟，你哋食過好食嘅拉麵未？！唔一定講名牌，香港有好多隱世好味拉麵、兼日本師傅主理、能媲美日本當地素質。想食好嘢，係要俾啲腳骨力親身周圍拱吓，單靠上網有時真係信唔過。