星之戀

營業中

休息中

今次嚟到喺海之戀嘅星之戀，呢一間中式菜館餐廳有一個大閘蟹兩黃蟹逅大閘蟹位餐，原價呢就每位$898 ，但係而家做緊優惠價，每位只需要$598 ，而呢個優惠價呢只係適用於兩位或者以上嚟到用餐嘅人士嘅啫。佢個餐單呢就有成10度菜式㗎，分別就有山茶蟹粉小籠包，竹笙海皇燴燕窩，櫻桃鵝肝半冰鎮鮑魚、奇趣蝦多士、蒜香乳鴿、清蒸大閘蟹、蟹粉扒菜苗、富豪炒飯、同埋薑茶湯圓。咁講返佢呢10味菜都OK唔差㗎，而我最鍾意嘅係佢個蟹粉扒菜苗，同埋富豪炒飯雖然細細個細細碗，但係都食得出嗰個炒飯底嘅鑊氣，最後嗰個薑茶湯圓嘅薑味亦都非常之夠薑。