影片
更多
2017-09-27
8679 瀏覽
荃灣野食多就係人都知架啦, 但次次都係泰國野越南野, 今次就揀左間冰室食返港式野, 地方一啲都唔難揾呢, 都係A出口果邊果堆餐廳雲集既美食區。雖然係平日夜晚但都好旺場, 入去岩岩果一千零一張比我坐到好彩~~~ 以冰室茶記黎講佢裝潢都好新淨同清潔, 而且紅色梳化奪目之餘坐得幾舒服。見到周圍都係食緊瑞士雞翼/雞肶, 我又跟住叫埋一份, 跟埋佢個招牌蕃茄通粉, 淨係揀配料同小食都好多選擇, 配料可以揀健康既菇呀菜果D, 肉又可以揀叉燒 魚肉 牛肉 豬潤果D, 但我最後都係揀雞肶。特色蕃茄濃湯通粉配牛乳炒蛋 $48蕃茄通超大碗, 上面件滑蛋都好大舊, 因為浸左湯會無咁嫩, 但依舊蛋味濃郁, 但蕃茄湯果然名不虛傳, 好濃既蕃茄味, 蘊藏唔少蕃茄鮮肉係入味, 一D都唔會稀, 交足料, 味道天然得黎以蕃茄既鮮為主, 唔會落好多糖去中和蕃茄既酸, 不過都唔洗擔心會太酸, 我覺得岩岩好, 通粉都份量好多,最後我連啲湯都飲哂~主角瑞士雞肶出場, 驚喜度比起蕃茄通更高呢!!!! 瑞士汁濃郁之餘, 味道完全滲入左雞肶肉, 每一啖都品嚐到瑞士汁既香濃, 佢瑞士汁果種前濃後甜令人回味, 雞肉嫩滑亦係賣點之一, 完
荃灣野食多就係人都知架啦, 但次次都係泰國野越南野, 今次就揀左間冰室食返港式野, 地方一啲都唔難揾呢, 都係A出口果邊果堆餐廳雲集既美食區。
雖然係平日夜晚但都好旺場, 入去岩岩果一千零一張比我坐到好彩~~~ 以冰室茶記黎講佢裝潢都好新淨同清潔, 而且紅色梳化奪目之餘坐得幾舒服。
見到周圍都係食緊瑞士雞翼/雞肶, 我又跟住叫埋一份, 跟埋佢個招牌蕃茄通粉, 淨係揀配料同小食都好多選擇, 配料可以揀健康既菇呀菜果D, 肉又可以揀叉燒 魚肉 牛肉 豬潤果D, 但我最後都係揀雞肶。
特色蕃茄濃湯通粉配牛乳炒蛋 $48
蕃茄通超大碗, 上面件滑蛋都好大舊, 因為浸左湯會無咁嫩, 但依舊蛋味濃郁, 但蕃茄湯果然名不虛傳, 好濃既蕃茄味, 蘊藏唔少蕃茄鮮肉係入味, 一D都唔會稀, 交足料, 味道天然得黎以蕃茄既鮮為主, 唔會落好多糖去中和蕃茄既酸, 不過都唔洗擔心會太酸, 我覺得岩岩好,
通粉都份量好多,最後我連啲湯都飲哂~
主角瑞士雞肶出場, 驚喜度比起蕃茄通更高呢!!!! 瑞士汁濃郁之餘, 味道完全滲入左雞肶肉, 每一啖都品嚐到瑞士汁既香濃, 佢瑞士汁果種前濃後甜令人回味, 雞肉嫩滑亦係賣點之一, 完全無過老過嚡既情況, 無論醬汁同雞肶肉都咁高質, 好食到想即刻叫多隻…但被朋友制止我!!!!!
厚切牛乳炒蛋治 $20
呢個蛋治真係好癲, 實物比餐牌上既圖更加大, 幫佢拍左唔少寫真呢!!!!! 我諗起碼用左3-4隻蛋先炒到咁厚身既炒蛋, 雖然蕃茄通都有炒蛋, 但兩者明顯有分別, 因為呢個蛋治既蛋味更突出, 而且比較之下較滑身, 雖然厚但中層既炒蛋仍然出微微絲滑既口感, 唔會老得濟, 難得食咁厚身既蛋治但唔覺好漏, 唔會加過多牛油, 所以感覺較健康, 麵包係普通白方包, 無咩特別, 但都屬於軟身類別, 但廿蚊就好抵!!!!
焗芝士西蘭花 $36
食左咁多野當然要食返D菜, 西蘭花就係我至愛喇, 芝士滿佈表面, 而且岩岩焗出黎所以超級熱辣辣, 西蘭花份量好多, 近乎一大棵, 除左表面既芝士外, 每件西蘭花都浸住忌廉, 所以好濃味, 岩哂我, 唯一就係D西蘭花可能因為浸住忌廉去焗, 所以淋身左D, 無左爽口感, 但都係接受範圍內。
飲品揀返普通既涷檸茶, 不過不失, 夠大杯, 檸檬夠厚身。
冰室茶記一向係我至愛, 因為我就係麻甩, 哈哈, 但令我特別深刻或者特登去食既就唔多, 但呢間係會令我回頭既冰室!!!!
張貼
