漁川米線 (沙咀道)

營業中

休息中

［荃灣有東星斑米線食］食米線點先有霸氣？嗌大辣定叫加底？開飯仔覺得呢間米線店嘅米線自然就夠霸氣：成條魚擺上碗！呢間小店專做魚湯米線，雖然唔近市中心但都有唔少人專登過嚟食，而且一入嚟就會問「今日有咩魚？」，因為呢度最出名嘅就係魚扒同原條魚嘅米線，例如三文魚扒或者原條黃花魚魚湯米線，魚會先煎一煎再煮，廚師經驗夠所以魚肉唔會煮老反而Keep到嫩滑。而且記得飲個魚湯，絕對飲得出唔係味精湯，奶白色而入口味道自然鮮甜，成碗飲哂都得！想完全啖啖肉嘅可以揀手打墨魚餅，新鮮彈牙。唔鐘意米線嘅仲有得轉泡飯、拉麵、烏冬、米粉或者紅薯粉，另外亦有小食同咖喱飯等選擇。