米痴線 (已結業)

星期三晚攰攰地，唔想煮飯就決定叫外賣. 本身我果區米線舖選擇唔多，見到米痴線呢個名咁特別就決定試下。老公話要食飽d,就叫左個大窩過橋米線，入面有牛肉，豬潤，炸醬，竹笙，肥牛，火腿等等, 再配返個麻辣湯底。望落個湯底唔算好紅，食落亦唔算好辣，不過就好香好惹味，份量唔算話超級多，但就樣樣都有，好滿足。我作為芫茜控就叫左個皮旦芫茜湯底米線，本身呢個湯底都好少見，有得㨂梗係㨂呢個啦！加埋豬腩肉同生茶，個湯味道幾足，但又唔會好油，都唔錯。豬腩肉同其他米線舖食既唔同，呢間無㷈過，但勝在個湯底好味，所以都幾夾。另外我地仲叫左一個小食，就係拍青瓜，都幾大份，好多青瓜同蒜蓉，幾清新，只係有少少偏酸。下次大家食厭左d連銷米線，都可以試下呢間。