萬波

營業中

休息中

估唔到我第一次OpenRice嘅食評居然係畀萬波。飲過荃灣呢間不下十次，以前嘅我肯定會畀五星，但今晚呢杯真係搞唔掂。全部芋圓都係偏硬，有幾粒嘅中心位置甚至係呈硬粉狀，八點半買嘅我到而家十一點都依然感覺到隱約嘅牙骹攰。唔明點解可以犯咁低級嘅錯誤，呢杯話晒都係$44嘅飲品…？除此之外，今晚明顯感覺得到入面嘅芋頭少過以前好多，以前飲晒啲奶之後，杯底都仲有好多芋粒淨，今晚呢杯就只係得一堆極硬嘅芋圓加極少芋肉，飲到懷疑人生。單就今日嘅經驗絕對係要劣評，揀「一般」純粹係因為之前飲咁多次都正，但我大概短時間內都唔會再選擇呢間。