影片
更多
2015-10-25
1500 瀏覽
老老竇竇，傳統市區食個Burger閒閒哋百二蚊起跳，呢度四五十蚊有個，加埋薯條汽水都係加十二蚊，份量同樣十足，味道更有之而無不及。招牌型男漢堡，英文名叫Aussie Burger, 有理由相信店主或廚師係澳洲仔，本人身為鄰國紐西蘭嘅代表當然要試一試。爆汁百分百牛肉，流心煎蛋、紅菜頭、蕃茄、濃味醬汁。喺紐西蘭都食過夾紅菜頭嘅鴨肉漢堡，都無特別考究呢種食法係咪南太平洋獨有，但點之前會有啲擔心會有嗰啲鑵頭紅菜頭嘅嘔心味道或過濕。好彩佢個紅菜頭切得好薄，一兩小片，用紅菜頭獨特嘅甜味點綴濃味多汁嘅牛肉同醬汁，味道都幾配合同清新。正!!! 必點推介!!! 順帶一提，店內無論侍應、廚師定咖啡師都的確幾型仔。餐牌上其他漢堡就比較正路，都係洋蔥芝士生菜，只係一個配磨菇，一個配煙肉，一個配酸瓜，我哋選擇咗配酸瓜嘅經典漢堡。同型男漢堡一樣，都有爆汁牛肉，個醬好濃，又嚟點薯條都好正。但相對之下型男比較有特色。炸魚薯條，用我老家紐西蘭嘅鱈魚, 而fish n chips亦係紐西蘭名菜之一。食物其實真係睇個樣就知好唔好味，一睇個色就知overcook, 我堅係未見過炸到咁黑嘅fish n chips, 零肉汁。唯
招牌型男漢堡，英文名叫Aussie Burger, 有理由相信店主或廚師係澳洲仔，本人身為鄰國紐西蘭嘅代表當然要試一試。爆汁百分百牛肉，流心煎蛋、紅菜頭、蕃茄、濃味醬汁。喺紐西蘭都食過夾紅菜頭嘅鴨肉漢堡，都無特別考究呢種食法係咪南太平洋獨有，但點之前會有啲擔心會有嗰啲鑵頭紅菜頭嘅嘔心味道或過濕。好彩佢個紅菜頭切得好薄，一兩小片，用紅菜頭獨特嘅甜味點綴濃味多汁嘅牛肉同醬汁，味道都幾配合同清新。正!!! 必點推介!!! 順帶一提，店內無論侍應、廚師定咖啡師都的確幾型仔。
餐牌上其他漢堡就比較正路，都係洋蔥芝士生菜，只係一個配磨菇，一個配煙肉，一個配酸瓜，我哋選擇咗配酸瓜嘅經典漢堡。同型男漢堡一樣，都有爆汁牛肉，個醬好濃，又嚟點薯條都好正。但相對之下型男比較有特色。
炸魚薯條，用我老家紐西蘭嘅鱈魚, 而fish n chips亦係紐西蘭名菜之一。食物其實真係睇個樣就知好唔好味，一睇個色就知overcook, 我堅係未見過炸到咁黑嘅fish n chips, 零肉汁。唯一可取係個他他汁好濃蒜味，同樣點薯條一流。
白汁蘑菇肉腸意粉，味道偏濃，質素其實比好多cafe好，只係burger太出色，相對之下佢就只能變成配角。
熱情果芒果香橙果茶，其實都係茶包，但賣相也太可愛了吧！利申兔奴一名。
咖啡，拉花同咖啡羹都靚到嘩一聲，賞心悅目。
抹茶milkshake, 好有趣地餐牌喺打milkshare, 都唔知有心定無意，但如果有人同你share, 都幾溫馨呀。隱世轉角小店，街坊價錢平易近人。有室外位，可帶動物同食煙。所有waiter waitress 靚仔靚女，認真工作，細心親切。難怪成日爆場，最誇張有一次我阿哥晚飯時間去到全部沽清，真係好強勁。感覺荃豐四度空間商場有望成為繼路德圍後荃灣新食街。
張貼
