辣度餐廳 (已結業)

今日天氣凍凍地所以就走左去打邊爐，荃灣周圍都有好嘢食當然大家都知啦！但好食嘅火鍋店就唔係荃灣周圍都有。呢間充滿格調的火鍋店，同平時光顧大吵大鬧喧嘩嘅火鍋店完全不一樣。呢度當然係食麻辣火鍋也有特別嘅用青花椒煮成的麻辣鍋，唔食辣也有水果鍋和豬骨湯選擇，但就並沒有鴛鴦鍋。我地叫咗麻辣火鍋小辣，唔夠辣嘅時候可以免費加辣，火鍋眼見用料十足，湯底有大蔥、大蒜、辣椒、花椒等等....正到冇朋友！我地最鍾意叫羊肉片和肥牛肉兩種；其次當然叫喜歡嘅芝士腸和芝心丸，另外我哋再叫粟米和店舖獨家炸響鈴。食完呢一間餐廳感覺係唔係超飽好辛苦亦都唔係唔飽，所有分量剛剛好！