影片
更多
2017-10-05
670 瀏覽
呢間餐廳裝潢好有特色，外面全部都係落地玻璃，而望入去就見到兩旁都係石牆。石牆俾人好原始嘅感覺。經過石牆區，又會見到另一道木門。行入去，無論係牆、地板、天花都係木板，好似入左間木屋仔咁，而店名「Chalet」就係瑞士小木屋嘅意思，幾點題。小本屋同石牆都帶俾人原始感覺，好似暫時拋開煩惱，遠離塵囂咁。嘢食只有兩頁選擇︰我同朋友就叫左兩個SET DINNER，但套餐冇包嘢飲!頭盤有煙三文魚薄片同香煎帶子配紅花汁，我地各叫左一份。【煙三文魚薄片】伴有沙律菜。煙三文魚份量都唔少，面頭仲有酸豆、香草同洋蔥調味，幾開胃。【香煎帶子配紅花汁】帶子封煎得幾香口，味道鮮甜爽彈，而黃色嘅紅花汁則帶有一點香甜味。餐湯有芹菜頭忌廉湯或者南瓜湯，伴有酥餅。個酥餅層層鬆脆，好好食。酥餅都蘸到唔少湯，比起麵包更好就係酥餅唔會因蘸咗湯而發脹，所以唔怕太飽肚。【芹菜頭忌廉湯】比較少機會飲到，味道清新，有陣陣芹香。【南瓜湯】幼滑香甜，南瓜味濃。【美國Prime西冷牛扒(8oz)配焗甜薯$298】西冷有格仔烤紋，雖然餐牌已經註明8oz，但對於食肉獸嘅我哋，份量感覺有啲唔夠喉。肉質鬆嫩無渣，而且肥瘦適中，幾好食，但牛味唔太濃。甜
石牆俾人好原始嘅感覺。
經過石牆區，又會見到另一道木門。行入去，無論係牆、地板、天花都係木板，好似入左間木屋仔咁，而店名「Chalet」就係瑞士小木屋嘅意思，幾點題。小本屋同石牆都帶俾人原始感覺，好似暫時拋開煩惱，遠離塵囂咁。
嘢食只有兩頁選擇︰
我同朋友就叫左兩個SET DINNER，但套餐冇包嘢飲!
頭盤有煙三文魚薄片同香煎帶子配紅花汁，我地各叫左一份。
【煙三文魚薄片】伴有沙律菜。煙三文魚份量都唔少，面頭仲有酸豆、香草同洋蔥調味，幾開胃。
【香煎帶子配紅花汁】帶子封煎得幾香口，味道鮮甜爽彈，而黃色嘅紅花汁則帶有一點香甜味。
餐湯有芹菜頭忌廉湯或者南瓜湯，伴有酥餅。個酥餅層層鬆脆，好好食。酥餅都蘸到唔少湯，比起麵包更好就係酥餅唔會因蘸咗湯而發脹，所以唔怕太飽肚。
【芹菜頭忌廉湯】比較少機會飲到，味道清新，有陣陣芹香。
【南瓜湯】幼滑香甜，南瓜味濃。
【美國Prime西冷牛扒(8oz)配焗甜薯$298】西冷有格仔烤紋，雖然餐牌已經註明8oz，但對於食肉獸嘅我哋，份量感覺有啲唔夠喉。
肉質鬆嫩無渣，而且肥瘦適中，幾好食，但牛味唔太濃。
甜薯原來係紫薯，我好鍾意食紫薯，呢個比較細同焗得太乾。
【忌廉香檳汁海鮮長通粉$178】長通粉同海鮮份量都好足料，好大碟。海鮮材料有兩隻青口、三隻去殼蝦、兩隻帶子、墨魚圈，全部海鮮都新鮮彈牙。
青口肉亦夠飽滿。
香檳汁夠晒多，仲帶有海鮮味，長通粉索晒啲汁，好入味。
甜品有意式奶凍或泡芙，又係各叫左一份。
【意式奶凍 】細細杯，奶味香濃，仲用朱古力醬畫左朵花，有心思。
【泡芙】有三粒，裏面多忌廉。
飲飽食醉，離開原始嘅小木屋，又要重投城市懷抱。
張貼
