Goobne Chicken (荃新天地)

營業中

休息中

以往對炸雞、烤雞一向沒有好感，覺得油膩之餘又唔健康。今日經過荃新天地看到這間烤雞店，看到韓風的裝飾，一向祟韓的女兒嚷著要試，於是我們便進去。淺啡色木紋枱椅，枱與枱之間空間感足夠，加上播放著韓國的流行的音樂，十分舒適。食物以烤雞為主，有十款左右不同口味的烤雞可供選擇，還有湯、部隊鍋、韓式年糕、沙律等選擇，飲品方面有米酒、雞尾酒、沙冰等等。看著價目表，覺得有點貴，因為小朋友唔食得辣，最後點了砂鍋魚糕湯，湯非常鮮味，魚糕有幾款，爽口彈牙，蘿蔔清甜，阿仔讚不絕口。主菜就是蜜糖咖喱烤雞，烤雞烤得金黃色，皮十分香脆，雞肉嫩滑，一點油膩嘅感覺也沒有，雞肉滲出蜜糖嘅甜味同埋咖喱嘅香味，非常特別，令人一試難忘，一向不喜歡吃炸雞的我，也忍不住吃了三大件。之前覺得以$168吃一盤烤雞頗貴，但原來這盤炸雞有10多件，所以又覺得價錢不貴，而且這樣美味，實在物超所值。還有，韓式雞蛋卷，雞蛋包著午餐肉、紫菜、蔬菜絲及韓式醬，見到個樣已覺得很美味，但食落就覺得淡了少少。最後不得不讚是那杯柚子沙冰，有濃濃既柚子味，在炎熱天氣下喝一下立刻清涼曬食完呢餐仍很掛住烤雞的美味，一定會再來光顧的。