Kafulin Gallery (已結業)

睇我既頭象就知道，我好鍾意草泥馬，無意中發現原來灣仔有間雪糕店，以草泥馬為主題，好多草泥馬既佈置，咁當然要黎朝聖啦。間舖細細間，坐位及企位只有幾個，但設計好靚好精緻，睇見店主兩人默默經營打理呢間小店，有種幸福感。叫左個應該係長期期間限定既草泥馬芭菲，南美藜麥草泥馬曲奇超可愛，但食落有d痴牙，用糖整成既綠色草棚好有心思，雪糕有牛奶同抹茶混搭，狀態唔易溶，保持口感，牛奶奶香不算太濃，抹茶味較突出，最底下有脆米，夠脆唔淋。餐廳位置都幾靜，但平日夜晚都有唔少熟客黎食，可見雪糕水準都唔錯，又靚又大杯，幾抵食。