Catio (已結業)

今日去咗D2 Place行街，行到攰攰地想搵個地方叉叉電，搵到附近呢間餐廳幾多人推介仲有🐈🐈作伴咁有趣就同朋友去試下。餐廳雖然位於工業中心但環境寬躺、乾淨企理而且佈置用心，周圍放滿有趣嘅貓貓掛畫仲有好多駐場貓貓，一入去就有種好放鬆嘅感覺。收費為💲60一位一個鐘包一杯飲品，飲品選擇眾多：有唔同口味嘅☕️🍵咖啡、朱古力、茶類等。餐廳嘅食品選擇都唔少：有多款小食、Pizza、意粉、甜品等。我哋叫咗Rose Chocolate + Iced Latte + 小食拼盤（💲128），小食拼盤有炸魚條、炸魷魚、蜜糖雞翼、洋蔥圈、香腸、薯條及沙律，即叫即做熱辣辣，兩杯飲品製作用心有水準。💁🏻‍♀️呢度嘅貓貓隻隻都好乖，望住佢地懶懶閒嘅樣都會覺得特別輕鬆。餐廳環境舒適，收費合理，飲品食品質素都唔錯，得閒會再嚟放鬆吓。