泰亞萊海南雞專門店 (已結業)

本身喃住買隻雞加餸，翻到來大失所望。買左隻$148嘅全雞，分開兩盒裝，本身以為好鬼死多，但是個底鋪左一層青瓜同菜，一個飯盒去左裝菜同裝醬汁嘅位之後，可以裝到嘅雞有幾多大家都可以喃下。食食下先發覺，每盒得一隻雞翼，一隻翼髀同少量雞胸肉，何來全雞一說？！！隻下髀呢？！！仲要收人$148！再來系隻雞嘅味道，食起身比較寡淡，冇咩雞味。食海南雞精髓係皮下果浸啫喱，但係啲雞得肥膏同肉，同滾水烚雞冇咩分別……建議換下把刀，啲雞斬到一舊舊連埋一齊……俾多個建議。其實啲經濟咁差 ，就唔好曬咗啲租啦！ 不如俾個機會，俾個機會下一位。