影片
更多
2023-10-27
868 瀏覽
同朋友放工嚟到 D2 Place 對面嘅工廈試吓墨西哥菜，原來呢度都幾多人識，餐廳位置方便，餐牌選擇都算多！ 呢個招牌 nachos 我哋揀咗芝士焗煙燻手撕豬肉口味。上面有豬肉絲、芝士、牛油果醬、蕃茄粒同酸忌廉，味道好豐富，如果薄脆可以再脆啲會更好味。 嚟到食墨西哥菜除咗 taco，點可以唔試 quesadilla (發音近似 kay-sa-dee-ya)！我哋揀咗烤西冷牛肉口味，夾落薄餅絕對係我幻想中嘅味道，好味！ 呢款雞翼係我嘅 all time favourite，一個人可以食一打！佢哋嘅 buffalo wing 都幾多汁又夠辣，yum！ 另外，我哋仲叫咗燒雞，佢嘅香料味都幾特別，就算唔點旁邊嘅 BBQ 汁，本身已經好夠味，再加埋沙律同搽咗蜜糖嘅薯角，呢隻燒雞可以再 encore！ 最後，我哋仲叫咗牛油果奶昔，牛油果味清香唔太甜，入口順滑，上邊仲有牛油果粒，飽肚得嚟朋友都話幾好味。 呢間餐廳空間唔算大，不過坐得幾舒服，仲有個玫瑰牆，鍾意影相嘅朋友都可以特別預留呢個位置。整個場地內外都有用心裝飾，每一樣食物都有精心挑選過碗碟，令人食得開心又賞心悅目，服務亦好貼心。 下次嚟我會叫多
芝士焗招牌玉米薄脆
$154
22 瀏覽
0 讚好
0 留言
嚟到食墨西哥菜除咗 taco，點可以唔試 quesadilla (發音近似 kay-sa-dee-ya)！我哋揀咗烤西冷牛肉口味，夾落薄餅絕對係我幻想中嘅味道，好味！
水牛城雞翼
$82
190 瀏覽
0 讚好
0 留言
墨西哥秘製香料燒雞
$228
10 瀏覽
0 讚好
0 留言
原隻牛油果奶昔
$72
12 瀏覽
0 讚好
0 留言
呢間餐廳空間唔算大，不過坐得幾舒服，仲有個玫瑰牆，鍾意影相嘅朋友都可以特別預留呢個位置。整個場地內外都有用心裝飾，每一樣食物都有精心挑選過碗碟，令人食得開心又賞心悅目，服務亦好貼心。
下次嚟我會叫多啲朋友一齊 share 唔同嘅菜式，如果唔係就好似我今次咁食唔晒要打包一半返屋企。不過其實就算隔咗一晚夜，例如燒雞同薄餅嘅味道都依然 OK。
題外話/補充資料：
呢間餐廳唔止有常見嘅墨西哥菜式，仲有素食嘅選擇，所以都適合唔食肉嘅朋友嚟試下。
(以上食評乃用戶個人意見 , 並不代表OpenRice之觀點。)
張貼
