荔香園冰室 (已結業)

今日同老板去旺角見完客， 我老闆好幽默㗎🤭🤭佢話帶我去茘園。。。我話咪玩啦。。原來係帶我去荔香園冰室食下午茶呀嘩！一入去冰室已經被佢咁懷舊嘅風格吸引住，係咁影相啦😅😅好懷舊又有少少似荔園，男知係唔係個名呢🤔🤔睇吓餐牌先，嘩！ 下午茶好抵食喎 炸魚薯條都係42蚊咋，加六蚊仲有紅豆冰添呀，woo 有兩塊 炸到脆卜卜嘅魚柳仲有好多薯條添好正呀 😍😍 紅豆冰鍾意唔太甜嗰啲呢就啱啱好啲紅豆好軟淋淋好好味又唔太甜好正 老闆叫咗個瑞士巨脾捞公仔麵餐仲有勁多火腿嘅奄列同埋勁趣嘅油多，加六蚊仲可以有杯珍珠奶茶呀珍珠奶茶唔太甜仲勁大杯呀😍😍 話明巨脾，嘩隻雞髀真係好大隻呀差啲食唔曬，食咗雞髀差幾乎食唔到個麵呀！好抵食呀！我見到佢晚餐有雞煲添呀六十幾蚊好抵食呀下次同朋友嚟一定揀食雞煲囉#katkatfoodies