三葉屋

營業中

休息中

某個禮拜日，本來想去半島冰室食嘢，點知原來佢唔開，於是走過隔離嘅三葉屋幫襯。聽講呢度嘅名物係自家製蕎麥麵，第一樣主食叫嘅毫無懸念係炸蝦野菜天婦羅冷蕎麥麵，另一個就揀咗他他醬日式炸雞烏冬。呢兩個主食都幾高質，前者麵質彈牙有咬口，蕎麥味中規中矩，天婦羅有蝦，蘆筍，南瓜，冬菇，車厘茄等，炸得唔算油膩，粉漿亦唔算厚，我覺得幾好食；後者炸雞雖然略嫌乾咗少少，但點他他醬食其實又好唔錯，加上佢炸得唔油膩，呢點我好幾欣賞👍。意猶未盡，再叫多個刺身拼盤同蟹肉忌廉薯餅，刺身有吞拿魚，鰹魚同魷魚，以呢個價錢，無論新鮮度同刺身厚薄度我都絕對收貨；薯餅大大塊好 creamy，不過食到尾就真係幾漏😂。