影片
更多
2023-06-23
519 瀏覽
趁放假同屋企人去食Tea！去咗銅鑼灣世貿中心嘅La Vina，Cafe裝潢好靚，以莫蘭迪色系為主體，配合簡單線條設計嘅傢俱以及多肉植物花圃，充滿異國風情，打卡位好多！La Vina嘅巴斯克芝士蛋糕一直都係招牌名物，最近推出咗日本大熱嘅法式千層酥mille feuille sandwich，立即又引起新一番熱潮！法式千層酥有6款選擇，全部都係雙重口味配搭。揀咗焦糖蘋果配伯爵茶忌廉 （$108），千層酥皮非常鬆脆，食嘅時候仲聽到咔嚓嘅聲音，如果牛油香突出D就更好啦！入面焦糖蘋果配伯爵茶忌廉配搭特別，甜度剛剛好，伯爵茶茶香比較淡雅，反而蘋果嘅清甜較為豐富，整體甜而不膩，好食！Yuzu Basque Burnt Cheesecake 3" （$60）自己一向都好鍾意La Vina嘅原味巴斯克芝士蛋糕，已經多次回購過。第一次試柚子味，估唔到都好有驚喜！芝士味道香濃，口感軟滑creamy，帶有淡淡柚子嘅清香，酸酸甜甜，大大減低膩感！不愧為La Vina招牌，必點！Strawberry Vanilla Cake ($58)士多啤梨慕絲蛋糕口感香滑，入面加入新鮮士多啤梨果蓉，令味道更有層次！Hot S
La Vina嘅巴斯克芝士蛋糕一直都係招牌名物，最近推出咗日本大熱嘅法式千層酥mille feuille sandwich，立即又引起新一番熱潮！
法式千層酥有6款選擇，全部都係雙重口味配搭。揀咗焦糖蘋果配伯爵茶忌廉 （$108），千層酥皮非常鬆脆，食嘅時候仲聽到咔嚓嘅聲音，如果牛油香突出D就更好啦！入面焦糖蘋果配伯爵茶忌廉配搭特別，甜度剛剛好，伯爵茶茶香比較淡雅，反而蘋果嘅清甜較為豐富，整體甜而不膩，好食！
Yuzu Basque Burnt Cheesecake 3" （$60）
自己一向都好鍾意La Vina嘅原味巴斯克芝士蛋糕，已經多次回購過。第一次試柚子味，估唔到都好有驚喜！芝士味道香濃，口感軟滑creamy，帶有淡淡柚子嘅清香，酸酸甜甜，大大減低膩感！不愧為La Vina招牌，必點！
Strawberry Vanilla Cake ($58)
士多啤梨慕絲蛋糕口感香滑，入面加入新鮮士多啤梨果蓉，令味道更有層次！
Hot Strawberry Au Lait($46)
熱牛奶內加入新鮮士多啤梨果蓉，一層紅色，一層白色，層層相間，賣相好靚，係而家韓國cafe比較常見嘅整法！可以選擇甜度及牛奶都好細心，不過咁樣整味道始終都係無blend埋一齊咁濃，入口較淡，感覺較為健康。
Osmanthus Jasmine Milk Tea ($52)
同樣可以選擇甜度及牛奶，用上TWG Jasmine Tea，茶味香濃，帶茉莉花清香，唔錯！
張貼
