影片
更多
2018-12-14
14 瀏覽
係尖沙咀附近食完晚餐，突然口淡淡想食甜品， 於是就衝左入「菓甜品」，填埋女仔既另一個胃🙆♀️芒果酥皮拿破侖 $60以造型黎講，呢個拿破侖十分維妙維肖。兩塊酥皮夾滿吉士醬，面層再放數粒草莓做點綴，真係相當誘人。切開拿破侖，鬆化既酥皮夾著質感幼滑既吉士醬，再配上旁邊既新鮮芒果肉粒，酥脆，細滑，香甜一口而入，仲可以食埋充當裝飾品既macaron。 整個甜品由食材至賣相都一一配合得相當好，令人滿意又滿足🙆♀️香蕉金沙朱古力窩夫伴榛子雪糕 $64首先，窩夫做得厚身，質感外脆內軟，食落更有口感。甜品師傅仲貼心地將窩夫分切成4塊，係每塊窩夫上都放左金莎朱古力醬同粒粒果仁，再配以Movenpick 榛子雪糕，新鮮草莓，香蕉同微甜忌廉，真係誘人度爆燈呀🙈 📌建議2~3人齊齊share,因為窩夫有成2個手掌咁大呀👍芝士粟一燒 $58望住menu 時，真係極之有疑惑，點解甜品店menu 上會出現燒粟米既呢？原來，係仿真度有99%既粟米芝士蛋糕😱 真係橫睇直睇都研究吾到師傅可以點整到咁高仿真度😂以賣相黎講，打破一般芝士蛋糕一貫既單調造型，顯得十分誘人。切開入口，原來外層係粟米慕絲，而內層係芝士蛋糕。 口感柔軟
芒果酥皮拿破侖 $60
以造型黎講，呢個拿破侖十分維妙維肖。兩塊酥皮夾滿吉士醬，面層再放數粒草莓做點綴，真係相當誘人。切開拿破侖，鬆化既酥皮夾著質感幼滑既吉士醬，再配上旁邊既新鮮芒果肉粒，酥脆，細滑，香甜一口而入，仲可以食埋充當裝飾品既macaron。 整個甜品由食材至賣相都一一配合得相當好，令人滿意又滿足🙆♀️
香蕉金沙朱古力窩夫伴榛子雪糕 $64
首先，窩夫做得厚身，質感外脆內軟，食落更有口感。甜品師傅仲貼心地將窩夫分切成4塊，係每塊窩夫上都放左金莎朱古力醬同粒粒果仁，再配以Movenpick 榛子雪糕，新鮮草莓，香蕉同微甜忌廉，真係誘人度爆燈呀🙈
📌建議2~3人齊齊share,因為窩夫有成2個手掌咁大呀👍
芝士粟一燒 $58
望住menu 時，真係極之有疑惑，點解甜品店menu 上會出現燒粟米既呢？
原來，係仿真度有99%既粟米芝士蛋糕😱 真係橫睇直睇都研究吾到師傅可以點整到咁高仿真度😂
以賣相黎講，打破一般芝士蛋糕一貫既單調造型，顯得十分誘人。
切開入口，原來外層係粟米慕絲，而內層係芝士蛋糕。 口感柔軟得黎密度甚高，入口香滑，再帶入微微粟米味，而底部既曲奇底，加強左層次感。
桂花白酒燉雪梨 $56
又一創新特別之作👍
將雪梨去皮再用白酒以慢燉方式去燉煮，火喉必然要小心控制，否則燉出黎既雪梨會失去其味道同埋亦會變得過度軟腍。
切開入口，清清甜甜帶點淡淡酒香，質地軟腍恰到好處，更帶點微爽，底部既桂花寒天粉條，多一分口感多一分桂花香。
魔鬼朱古力 $76
三層有三種吾同口感，雲尼拿雪糕，brownie 同朱古力雪糕，真係層次感豐富呀❗️我就自製左個「草莓朱古力脆筒」，又幾得意波🙈
士多啤梨奶昔 $48
果然係用新鮮士多啤梨同雪糕打出黎既奶昔，冇左用濃縮汁既死甜，係天然士多啤梨既香甜，味道更重，亦有奶昔既香滑。
一間甜品店既好食與否，真係好是乎師傅既細心用心程度。而呢間既師傅就正正有齊呢兩樣啦
張貼
