影片
更多
2017-12-13
500 瀏覽
去得勝利道搵食，喺有選擇既情況下都唔會去龍德樓，相信喺附近住或者返工既朋友都會明白。食物質素參差：蒸飯d雞肉唔新鮮，鬆散冇雞味；以前仲有點心嗰陣，蝦餃皮厚蝦肉唔新鮮，食過一輪，除左雲耳蒸雞飯之外，真係冇邊樣係ok。衛生條件差：以前仲有點心嗰陣，我試過去廁所，見到一大盤馬豆糕之類既凍食糕點，就咁攤左喺廁所附近臨近洗手盤既位置，又試過食完肚屙（自認玻璃肚，只要有小小唔乾淨就會嚟料），衛生條件堪憂。由於以上種種原因，作為街坊，都好少再去食，真係想食點心既，寧願行兩步食老點，何況，龍德樓而家都唔做點心。但係今日既經歷，真係令我對呢間野徹底死心。中午時間由於其他鋪實在太多人排隊，我又一枝公，所以諗住求其呢度有位食龍德樓算。入座點左一個臘腸蒸雞飯一個跟餐燉湯，豈料個湯飲到一半，我喺菜乾入面發現一條牙籤長度既蚯蚓，咁我就同一個阿姐講，有蚯蚓喎（如果知道後事發展，我一定會影相，唉，自認蠢左），然後阿姐就話換過個湯俾我。我就話唔要喇下嘛，幫我喺張單度取消個湯算喇。阿姐話換個菜俾你喇，我話唔要喇，佢話唔係呀送俾你，咁我梗係話要喇，心諗，算你喇，大家好來好去。食完俾錢，個阿叔話76蚊，我話阿姐冇同你講取消左
食物質素參差：蒸飯d雞肉唔新鮮，鬆散冇雞味；以前仲有點心嗰陣，蝦餃皮厚蝦肉唔新鮮，食過一輪，除左雲耳蒸雞飯之外，真係冇邊樣係ok。
衛生條件差：以前仲有點心嗰陣，我試過去廁所，見到一大盤馬豆糕之類既凍食糕點，就咁攤左喺廁所附近臨近洗手盤既位置，又試過食完肚屙（自認玻璃肚，只要有小小唔乾淨就會嚟料），衛生條件堪憂。
由於以上種種原因，作為街坊，都好少再去食，真係想食點心既，寧願行兩步食老點，何況，龍德樓而家都唔做點心。
但係今日既經歷，真係令我對呢間野徹底死心。中午時間由於其他鋪實在太多人排隊，我又一枝公，所以諗住求其呢度有位食龍德樓算。入座點左一個臘腸蒸雞飯一個跟餐燉湯，豈料個湯飲到一半，我喺菜乾入面發現一條牙籤長度既蚯蚓，咁我就同一個阿姐講，有蚯蚓喎（如果知道後事發展，我一定會影相，唉，自認蠢左），然後阿姐就話換過個湯俾我。我就話唔要喇下嘛，幫我喺張單度取消個湯算喇。阿姐話換個菜俾你喇，我話唔要喇，佢話唔係呀送俾你，咁我梗係話要喇，心諗，算你喇，大家好來好去。
食完俾錢，個阿叔話76蚊，我話阿姐冇同你講取消左個湯咩，佢話係呀，換左個菜俾你呀嘛，我話唔係，阿姐話送俾我，然後阿姐過嚟，話唔係，話你唔要個湯，咪話俾碟菜你囉，我話你話送喎，然後阿姐咦咦哦哦，阿叔話，大家理解唔同，70喇。我直頭同佢講，老細，我以後都唔會再嚟，你咁做生意，真係會越做約少客。
佢答嗰句先頂癮：你唔嚟你既事，俾左錢先喇。
我真係唔貪你一碟菜，但係咁做生意真係唔會長做長有囉。
我知冇相，又真係會有機會有人話我打手呀誇大呀乜乜乜，但係其實好簡單，你去試下，就知間野乜料。我真係寧願去勝利小廚俾人西面，都唔會再去呢間無誠信可言既龍德樓。
張貼