影片
更多
2020-12-20
96 瀏覽
今次經過長沙灣，見到係晚飯時間就去咗森記牛雜粉麵買晚餐返屋企食。依度有一部分係戶外地方，週不時都會見到有放狗嘅人仕坐喺度食嘢，而餐廳入面就有舊香港風格嘅設計及圖畫比較特別。我今次order咗沙嗲雞球、日式炸豬扒、酸甜咕嚕肉 郊外菜心同埋一碗牛筋麵。佢哋每樣菜式嘅份量都好多，特別係個牛筋河，牛筋超入味超冧而且有咬口，值得推介。沙爹雞球嘅沙嗲因為係自家製關係，個味道辣中帶甜有少少似馬來亞沙嗲嘅風味。日式炸豬扒金黃色超大塊，同埋特厚，而且豬扒好juicy，點埋特製嘅沙律醬色簡直一流。甜酸咕嚕肉就超醒胃，而且啖啖肉絕對冇肥膏，連d配菜都炒得好香口。菜心就用咗腩汁浸過特別有風味，而且得翠綠色啱啱好。呢度除咗港式小炒、牛雜粉麵等，仲有泡飯、港式豬手及炸醬麵，同埋撈麵，仲有火鍋配料例如魚蛋、牛丸、魚皮餃、雲吞、水餃、魚滑等等可以訂購。因為佢哋係自己廠房出品，所以特別新鮮。另外一提，佢哋嘅沙嗲醬及辣椒醬都係自家製，兩種醬都好惹味，而且調配得好啱香港人嘅口味。
我今次order咗沙嗲雞球、日式炸豬扒、酸甜咕嚕肉 郊外菜心同埋一碗牛筋麵。
佢哋每樣菜式嘅份量都好多，特別係個牛筋河，牛筋超入味超冧而且有咬口，值得推介。
沙爹雞球嘅沙嗲因為係自家製關係，個味道辣中帶甜有少少似馬來亞沙嗲嘅風味。
日式炸豬扒金黃色超大塊，同埋特厚，而且豬扒好juicy，點埋特製嘅沙律醬色簡直一流。
甜酸咕嚕肉就超醒胃，而且啖啖肉絕對冇肥膏，連d配菜都炒得好香口。
菜心就用咗腩汁浸過特別有風味，而且得翠綠色啱啱好。
呢度除咗港式小炒、牛雜粉麵等，仲有泡飯、港式豬手及炸醬麵，同埋撈麵，仲有火鍋配料例如魚蛋、牛丸、魚皮餃、雲吞、水餃、魚滑等等可以訂購。因為佢哋係自己廠房出品，所以特別新鮮。
另外一提，佢哋嘅沙嗲醬及辣椒醬都係自家製，兩種醬都好惹味，而且調配得好啱香港人嘅口味。
張貼
