影片
更多
2017-01-23
1561 瀏覽
6位小學同學難得聚會大顆兒說想在尖沙咀搞…身為搞手的我隨意預先找了數間餐廳給大家揀…平日多到各區fancy少少的餐廳試菜的Tracy話去過依間，覺得食物質素高，價錢ok，於是大家便扑鎚試吓這裡…這裡很好找，九龍站上兩層來到Element的Civil Court，左手面第一間便是…上菜也很快，基本上order後10分鐘d菜就boom boom聲黎。我地總共坐左三個零鐘頭吹水，order左兩round嘢飲，佢地基本上都係飲red wine and beer，我就因為喉痛失聲嗌左壺熱檸茶…我見佢地飲啤酒都飲到好開心…最搞笑係Sky原本想試吓依度出名果隻蕉味啤酒，最終都因為唔大想挑戰新事物而揀左傳統的黑啤講到食物，我地嗌左4個main dishes、1個pasta、1個素菜炸薯球小食、1個山羊芝士salad（嘩個山羊芝士的確十分之羊，啱晒少少重口味的本人），main dishes分別係鴨、牛扒、香腸拼盤同埋（忽然唔鬼記得），pasta就係蝦。最正係個鴨（亦都係Tracy上次食過今次推薦嘅…）！配菜係豆角同蘋果，鴨肉稔滑得黎又充滿鴨香～～～稔到基本上用叉已經分得開…好味到我宜家諗返起都仲流緊口水
這裡很好找，九龍站上兩層來到Element的Civil Court，左手面第一間便是…上菜也很快，基本上order後10分鐘d菜就boom boom聲黎。我地總共坐左三個零鐘頭吹水，order左兩round嘢飲，佢地基本上都係飲red wine and beer，我就因為喉痛失聲嗌左壺熱檸茶…我見佢地飲啤酒都飲到好開心…最搞笑係Sky原本想試吓依度出名果隻蕉味啤酒，最終都因為唔大想挑戰新事物而揀左傳統的黑啤
講到食物，我地嗌左4個main dishes、1個pasta、1個素菜炸薯球小食、1個山羊芝士salad（嘩個山羊芝士的確十分之羊，啱晒少少重口味的本人），main dishes分別係鴨、牛扒、香腸拼盤同埋（忽然唔鬼記得），pasta就係蝦。最正係個鴨（亦都係Tracy上次食過今次推薦嘅…）！配菜係豆角同蘋果，鴨肉稔滑得黎又充滿鴨香～～～稔到基本上用叉已經分得開…好味到我宜家諗返起都仲流緊口水呢！牛扒我地點左medium，配菜係焗薯條，味道中上，畫龍點精的地方是上面塊煙肉簿脆，脆到好似薯片咁，小小的一塊但被三個人搶食了。至於香腸拼盤學Tracy話齋就「好德國囉」；曾到捷克旅行的Tracy和Sky均不約而同的說，其實捷克菜同德國菜好似…我好奇問Tracy在捷克時體驗到的文化風情是怎樣的…她的答案很特別…她說可能因為是大都市…捷克人普遍都不怎麼有笑容…這在她先到奧克蘭再到捷克感受更為明顯…這是題外話…說回香腸，我尤其欣賞它甜甜酸酸的醬，但配菜紅色的醬菜絲就不怎麼樣。山羊芝士沙律是最令我驚喜的！裏面有山羊芝士toast、紅洋蔥、沙律菜、乾蕃茄、車厘茄、小紅菜頭（？）……配料很多，個人尤其愛那厚片味道很「羊」的山羊芝士，但怕「蘇」的朋友可能會略嫌重口味左。。至於個蝦pasta。。大蝦都有5-6隻。。個汁偏甜偏重有d d漏，不過就剛好補充了澱粉，增加了飽肚感。。而個炸薯球小食，其實係專點比茹素的Winnie嘅，都大大地有成7-8粒，外相很美觀（我因為喉痛失聲唔敢食），不過我見坐我對面的Winnie一粒接一粒咁食…應該都幾yummy。
總的來說，舊友聚頭老友鬼鬼，吃的其實不是食物而是情懷，喝的不是美酒而是醇醇的友情；能撞啱好似今次咁去到一間好餐廳已經是bonus，實在是賞心樂事，所以我地一坐便是三個多小時，適逢餐廳做緊周三至周日main dish買一送一優惠，我地埋單都只不過係每人$250有找！勁抵！所以我地成晚吹左好多水，食左好多好嘢，飲左好多好酒，酒酣耳熱，談笑晏晏，不經不覺便三個鐘頭！勁完滿！好開森！！
$250
63 瀏覽
0 讚好
0 留言
張貼
