榮華茶餐廳 (已結業)

星期日晨咁早到左尖咀，仲早過返工。未到時間當然嘆番個早餐先啦!嘩!好開心ar，D 菠蘿包好大個，唔算新鮮出爐，但包身都微暖，當然比起熱辣辣食的效果差好遠。個外皮依然好脆，包心發得起，我相信如果新鮮出爐一定好食過金華。食完個菠蘿包唔夠喉，再食多個餐包，亦都係好大個，不似一般茶餐廳D餐包好重牛油味，冇咁重牛油味，當然冇咁香，不過都食得過。而杯醒精奶茶，非常之港式奶茶feel，厚身耳仔杯，最要係佢茶味夠香濃。