小魚兒 (金馬大廈)

營業中

休息中

天氣開始涼，又係打邊爐既時候，除左平時食嘅火鍋，今次我嘅選擇係：烤魚呢到烤魚都有成七款，因為食唔到太辣，所以我哋選擇咗爆漿鳳梨香辣豆花烤魚，BB辣，小麻。另外，叫左木耳同埋兩杯野飲。烤魚黎到，個賣相已經好吸引。我哋選江團魚，冇乜骨，啖啖肉。入面嘅配菜有菠蘿，紫洋蔥，豆腐花，薯粉，萵筍，芫荽，芽菜。雖然上檯已經係熟嘅，但建議食住小食等煲耐少少，等入邊嘅配菜更入味。菠蘿就咁食好甜，食到最尾會越食越辣，再食菠蘿可以中和辣味雲耳唔辣，麻油味，加咗少少醋，好開胃，同埋呢款前菜份量好多先賣$48，好抵食嗌咗兩杯嘢飲，我個杯係西柚乳酸爆珠梳打，唔太甜少冰。食辣嘢嗰陣飲返杯凍嘅超爽。