大快活 (已結業)

星期六訓醒已經係中午, 當然又要諗食飯...九月時份成卅幾度, 好熱, 但唔想又叫周太太, 食太多, 龍肉都無味。於是, 順便出去焗下桑拿, 睇下會唔會熱度熔先..出到街, 星期六係唔建議外人到上水, 真係多強國人到呢.....經天橋去上水廣場, 你係會聽到地下既車轆聲蓋過人聲, 差唔多好似戲院散場咁...但因為佢地好有目標, 尚算行得快.....嘩, 上到四五樓, 除左香港地唔洗排, 間間都座滿, 大快活就快排到出門口取餐。是旦叫左過蘿蔔蚊豬肉, 又係因為所謂皇牌, 成年都有機會食, 食到熟0西, 咪轉下囉....點知有少少中伏........首先, 可能人太多, 變左飯太早添定, 返到屋企有少少開始凍, 咁D飯開始硬;其次, 大快活既飯粒, 好大粒, 但食落有少少粗粗地, 咁加埋第1點, 就係飯硬左再者, 呢味餸係近日推介, 即係日日有, D蘿蔔蚊到豆腐咁淋, 無左蘿蔔味仲有, 佢既蚊豬肉竟然係有好微好微既辣(因為我太怕辣, 好敏感), 又失左預算..本來唔關佢事, 但亦意想不到而枝竹呢?? 蚊咁多日既餐都係炆靭麻麻......即係批貨唔靚啦咁豬肉呢? 好淋, 明顯係中央處理既淋法