上村牧場 (已結業)

女朋友話想去日本好耐 但帶唔到佢去日本就帶佢嚟食日本和牛放題啦 呢間上村牧場好似係日本都有分店 出名喺日本有自家農場養牛牛 而我哋就食最高價位嘅薩摩牛和牛放題 我哋被安排坐喺自助送餐軌旁邊嘅卡位 坐得好舒服之餘 啲嘢食仲會自己喺路軌送上 之後就講下嘢食啦 首先講戲肉就係薩摩和牛 坐低冇耐就會有薩摩和牛嘅前盤送上 一盤由乾冰擺盤 包括薩摩牛愛裙肉 腰脊心 腹脅肉 特上牛五花 另一盤雖然擺盤睇落去平民啲 但係其實都係和牛嚟嘅 睇得出雪花好靚 唔同牛肉嘅部位口感都會唔一樣 例如牛小排就會比較肥美嫩滑 牛腹脅肉就會比較有咬口 但不論係邊種薩摩牛和牛都好 全部都帶有滿滿嘅油脂感 非常好味棉花糖牛五花 呢個一上枱已經係畀佢賣相吸引咗 食落味道都唔錯 牛肉點上用咗嘅棉花糖 甜甜地其實有啲似壽喜燒 另外呢度當然除咗燒牛肉之外 亦有好多唔同調味同部位嘅雞肉豬肉等等嘅選擇 試咗佢哋嘅雞翼 不過都係建議主攻和牛最回本 哈哈平時食燒肉好小蔬菜食 但係呢度竟然有煙肉露筍 露筍平時係超市買都唔平 呢度提供嘅露筍仲好大條爽甜 另外呢度有好多主食選擇 但始終係澱粉我哋無試太多 不過壽司味道令人驚喜 醋飯粒粒分明 配料