伊賀日本燒肉料理 (已結業)

今日午餐後距離下一個工作有一段頗長時間，我同同事決定去揾間可以坐得耐d食得好d既餐廳消磨下時間，openrice揾到伊賀燒肉，午市套餐120mins有75折優惠，地點又就腳，就揾埋同事上去開餐！店内環境都幾寬敞，坐位每個燒烤爐上面都有個抽氣扇，所以唔覺有好大油煙味！ 坐位配搭多，2人檯到8 人檯都有，一家大細嚟都ok! 燒肉放題食得多，用平板電腦落單又好似無試過，店員好有耐性講解完落單程序，都好簡單易明，而且極度方便，唔駛左叫右叫店員落單，點完想食既食物，點送出就ok, 食物好快送到！刺身非常新鮮，三文魚幾肥美同鮮甜！蝦刺身大大隻，同樣鮮味十足，有咬口！伊賀沙律最衰一陣仲要做野，唔係一定叫杯啤酒嚟食枝豆！估唔到呢度既海鮮除左一般既帶子外，仲有唔常見既墨魚咀同去左骨既鲭魚，鲭魚用嚟燒，燒到帶點焦香，再加d 鹽，真係好好食！燒飲又點少得燒牛舌同豬腸，豬腸整得幾乾淨，牛舌厚薄適中，有肉汁，一啖一片，千祈唔好過火，唔係就會變韌！除左燒烤外，仲有可以即食既炸物，我哋除便點左幾個都唔錯，特別推介一口一個既日式一口甜薯，同非常有咬口既炸雞軟骨！我哋今餐既美食一覽！最後食晒檯面d野，見落單咁方便！