影片
更多
2024-10-24
361 瀏覽
平時去食韓國菜都係炸雞、部隊鍋、韓燒等，韓式嘅fine dining就真係第一次試☝🏼位於銅鑼灣嘅 @oouli 由韓藉主廚Jim Kim創立，希望將佢家鄉—釜山嘅味道帶俾大家🇰🇷 佢唔單止喺2021贏左韓國高級大廚嘅比賽，今年仲獲得本地Masterchef嘅冠軍添😎晚餐黎到僅提供一款九道菜嘅菜單($1480)，運用韓國直送嘅時令食材同創新嘅烹調手法塑造出獨一無二嘅菜色👨🏻🍳 餐廳一排嘅落地玻璃令空間感十足，又可以俯瞰城市街景🌆 紫蘇油炸及三次風乾的釜山海苔及濟洲海藻Oouli Bu Gak兩款海草經過風乾同油炸處理後外層酥脆，內裡保留淡淡嘅海水味🌊 自家製嘅三色豆腐醬有助解膩，配埋墊底嘅芝麻脆片甘香十足😙時令韓國刺身Jagal -Chi韓國左口魚刺身肉質滑嫩，清甜嘅魚香搭配秘制辣令人欲罷不能🌶️ 爽口彈牙嘅大蝦同吞拿魚用左醬油醃製72小時，精華完全滲透刺身令鹹鮮味突出🐟韓國傳統粥Deul Kkae - Juk經過15小時的慢燉嘅釜山大米同韓牛嘅肉香，海鮮及蔬菜嘅清甜互相交織🍲 每啖粥都鮮甜無比，軟糯順滑，配埋芝麻油同伴碟嘅脆米片層次感相當豐富👅韓國橡子果凍配炸豆腐鱈魚籽三文治Han
晚餐黎到僅提供一款九道菜嘅菜單($1480)，運用韓國直送嘅時令食材同創新嘅烹調手法塑造出獨一無二嘅菜色👨🏻🍳 餐廳一排嘅落地玻璃令空間感十足，又可以俯瞰城市街景🌆
紫蘇油炸及三次風乾的釜山海苔及濟洲海藻
Oouli Bu Gak
兩款海草經過風乾同油炸處理後外層酥脆，內裡保留淡淡嘅海水味🌊 自家製嘅三色豆腐醬有助解膩，配埋墊底嘅芝麻脆片甘香十足😙
時令韓國刺身
Jagal -Chi
韓國左口魚刺身肉質滑嫩，清甜嘅魚香搭配秘制辣令人欲罷不能🌶️ 爽口彈牙嘅大蝦同吞拿魚用左醬油醃製72小時，精華完全滲透刺身令鹹鮮味突出🐟
韓國傳統粥
Deul Kkae - Juk
經過15小時的慢燉嘅釜山大米同韓牛嘅肉香，海鮮及蔬菜嘅清甜互相交織🍲 每啖粥都鮮甜無比，軟糯順滑，配埋芝麻油同伴碟嘅脆米片層次感相當豐富👅
韓國橡子果凍配炸豆腐鱈魚籽三文治
Han - Ip
精緻嘅韓國橡子果凍口感好特別，配上章魚片同酸酸地嘅牛骨湯底清涼開胃🧊 以豉油醬炸豆腐製成嘅三文治中間放左微辣嘅鱈魚籽，創新又惹味🤩
韓式參雞湯燴飯
Bo Yang -Sig
呢道fusion菜結合左傳統人參雞同來自義大利嘅Risotto🍚 用飽滿煙靱嘅米粒吸盡曬雞湯嘅精華，配埋雞肉絲、人蔘同紅棗誘人嘅香氣真係好正💕
海鮮清湯配烤釜山鮑魚
Jili - Tang
鮑魚烤到啱啱好，口感緊實但唔會韌🙌🏼 佢哋將海鮮清湯打成泡沫，輕盈細膩嘅口感為整道菜增添空氣感🫧
主菜
Jan Chi
主菜叫左烤釜山鰻魚，焦脆嘅魚皮鎖住曬啲肉汁，咬落質感脆嫩，充滿魚香♨️ 搭配薑汁薯蓉同辣椒醬解膩一流，同時可以提鮮🆙 另一道菜揀左烤澳州和牛，五成熟嘅肉扒粉嫩柔嫩，食埋甘香嘅脂肪都油而不膩🥩 伴碟有自家製嘅蘿蔔蓉同肉汁，令整體感覺無咁單一👍🏼
珍珠米·鰻魚湯·釜山伴菜
JinSu - Sung Chen
釜山自家農田珍珠米飯撈埋5款嘅時令特色拌菜一齊食，酸辣兼具嘅風味瞬間令平平無奇嘅白飯昇華😍 最後飲埋玩燉左48小時嘅鰻魚湯夠曬暖胃🥣
糯米年糕窩夫餅配自製雪糕
Hu - Sig
呢款甜品帶有窩夫嘅脆皮，年糕嘅Q彈感同嘅糯米嘅韌性，口感相當獨特🧇 自製雲呢拿雪糕甜度適中，加落暖笠笠嘅窩夫冰火交融🍧
Homemade Ice-cream with Sticky Rice Waffle
張貼
