鳳城皇宴 (已結業)

收咗工屋企無煮飯，咁就落街食啦經過門口見有優惠又無乜人，就入去試下啦。打開餐牌，菜式唔算貴，叫咗半隻脆皮雞，金銀蛋覓菜，啫啫鱔煲。金牌脆皮雞，皮脆肉嫩又夠熱，唔會係啲圍餐嘅口感。有驚喜金銀蛋覓菜，不過不失啦，份量大又足料。啫啫鱔煲，一上枱好香，鱔皮香脆，肉質又嫩，啖啖肉。總結: 閒日晚市冷冷清清，可能附近都係住宅，街坊都係屋企食。菜式味道唔錯啊，可能少人，廚師用心啲煮🤣，下次屋企無煮可以再試，睇下keep唔keep到。