譚仔三哥米線 (富盛大廈)

營業中

休息中

好耐無係元朗食譚仔，今晚突然想食佢嘅皮蛋，就黎左。人唔算好多，雖然都係要撘枱，但未至於話迫到手頂手。枱上餐牌轉左，多左新湯底，三哥酸辣？唔知同平時有咩唔同呢。想食嘅皮蛋，好快就上左，好酸但唔辣，皮蛋心好綿好正。竹笙炸醬胡辣第一次黎錯左墨丸，好彩佢都肯換，雖然面有難色。竹笙吸左湯汁好正，但份量少左。炸醬比譚仔甜，都好味。木耳清湯木耳份量同樣少左，上次黎食多到擺滿成個碗，而加起碼少左一半，依然爽脆。清湯真係好淡，要加皮蛋嘅辣油一齊食。凍檸茶，一杯正常，一杯走甜。又係例牌比左少甜……點解次次都錯嘅呢？食到底……加料！！算，基本上都無乜邊間食市無架嘞，眼不見為淨啫。