影片
更多
2018-12-12
1078 瀏覽
在葵興返工已三年多，除了工作經驗累積外，打寫字樓的我體重亦累積唔少。始終附近仍有不少工廠大廈，午餐地方都以份量、能量為主。想找家 $50以下、可以食得健康啲嘅地方去解決午餐，並不容易。還好近月發現呢間餐廳，我覺得佢地有質素、又有心煮的。何解？因為我自8月平均一星期有一半日子在這裡食 lunch，都未令我失望過！最初喜歡佢地嘅獅子頭，加上現在在香港不常遇到的風沙雞翼，還有，促發今日想打呢篇的 - 蘿蔔牛腩。近日天氣轉涼、轉冷，食蘿蔔合時，如果無信仰、信念，冬天今牛保暖也可以。佢地嘅牛腩大部分都相當 “林”，就算係筋都合理地少許咬口，控制得宜。加上偏茶味的港式奶茶，實在啱晒我口味。😋至於頭先話健康，因為佢地小菜午餐，往往有份小碟的時菜，在香港不用另外叫一大碟菜，亦是十分難得。如果午市時間尚早，廚房不太忙，可提問少汁甚至走汁，我覺得都無問題。其實，佢地廚房煎的豬扒、雞扒亦有一手，自同事叫了一次，我就知呢個之後都可以輪流選了。甚至炒河、炒麵，清碟後都無乜油留在碟上 (可能我亦食得太乾淨了 😌)，都是我覺得呢間店值得一去。佢地口水雞都唔錯，聽食辣的同事們講，我嘛… pass… 🙈當然，每間店都有
還好近月發現呢間餐廳，我覺得佢地有質素、又有心煮的。何解？因為我自8月平均一星期有一半日子在這裡食 lunch，都未令我失望過！
最初喜歡佢地嘅獅子頭，加上現在在香港不常遇到的風沙雞翼，還有，促發今日想打呢篇的 - 蘿蔔牛腩。
近日天氣轉涼、轉冷，食蘿蔔合時，如果無信仰、信念，冬天今牛保暖也可以。佢地嘅牛腩大部分都相當 “林”，就算係筋都合理地少許咬口，控制得宜。加上偏茶味的港式奶茶，實在啱晒我口味。😋
至於頭先話健康，因為佢地小菜午餐，往往有份小碟的時菜，在香港不用另外叫一大碟菜，亦是十分難得。如果午市時間尚早，廚房不太忙，可提問少汁甚至走汁，我覺得都無問題。
其實，佢地廚房煎的豬扒、雞扒亦有一手，自同事叫了一次，我就知呢個之後都可以輪流選了。甚至炒河、炒麵，清碟後都無乜油留在碟上 (可能我亦食得太乾淨了 😌)，都是我覺得呢間店值得一去。
佢地口水雞都唔錯，聽食辣的同事們講，我嘛… pass… 🙈
當然，每間店都有強項、弱項，佢地嘛… 我聽一位屬食家級的同事，就對佢地的餃子有保留。事出同事食出佢地似乎預煮了一次，原因我猜測是難預測每次午市大家選擇。尤其佢地最近嘗試增加菜式，其實我覺得對顧客是好事，但加重了自己經營負擔。
無論如何，這是同事意見，反正我主要喜歡佢地飯菜，未的起心肝為個餃平反。大家不妨去試過之後，再俾出自己的判斷吧。
P.s. 今日碟牛腩一來 (少汁 😌)，就好吸引即刻開動 ittakimasu，想影嘅時候已被我消滅了一半… errr，大家之後有機會，幫我補影番吧 😅
張貼