NUTTEA (葵涌廣場) (已結業)

本人非常中意食堅果🌰類嘅野，平時當小食咁食，難得呢間餐廳竟然可以將堅果送入野飲到！梗係要試吓啦！間鋪頭嘅裝修好靚，而且貼左好多韓國歌手嘅相，入面亦播緊韓文歌～嗌左杯伯爵朱古力堅果奶蓋茶（$47），飲落去啖啖堅果奶香味！然後再飲多啲，伯爵茶同朱古力嘅香味慢水咁滲入我嘅味蕾入面！真係好香！而且唔會因為朱古力嘅甜味+伯爵茶濃郁嘅味道而蓋過左堅果🌰嘅香味！一啖堅果奶蓋，一啖茶+朱古力，成件事好順口好易入口！完全覺得新奇得黎，成件事亦好夾！之後再嗌左杯蘋果脆脆楓糖堅果奶蓋茶（$38）！上面個層係蘋果脆脆，然後再落啲楓糖漿！當然個堅果奶蓋無得輸啦！飲落去好香嘅蘋果茶嘅味道！飲落去唔會覺得好甜！加埋蘋果脆脆反而飲落去勁fresh勁清新！將蘋果件事提升到更高層次！So far, 呢間堅果🌰飲品的確令人讚嘆不絕！因為好少可間飲品鋪可以將堅果🌰放落去野飲到，而成件事飲得黎又好夾！有機會黎葵廣一定要試吓呢間呀！