蕉積妹

營業中

休息中

今日去左葵涌廣場（葵廣）掃小食，3樓係超多小食、甜品、飲品。揀左間有泰國香蕉煎餅嘅小店［蕉積妹］，買左煎餅、小食同飲品。香蕉煎餅有5款口味，我原來想食朱古力味，但見到期間限定［開心果醬香蕉煎餅］，即點來食啦。開心果醬香蕉煎餅好足料好大塊，個餅有油香，好酥脆香口，中間有香蕉餡，再加上濃郁香滑的意大利開心果醬，味道細膩又濃厚，好正。開心果粒粒經低溫烘焙，特別香脆增加咬口，仲落左奶香甜美的練奶，食完夠飽但唔膩。小食有3款，個炸鮮奶好吸引。炸鮮奶即點即炸，好熱辣辣好香脆，外脆內軟綿，鮮奶帶奶香，細綿嫩滑口感好正，加左練奶多份香甜味。最後飲埋個泰式椰奶，賣相似足泰國用膠袋裝成一袋袋的飲品，有椰香又凍又清新，好好飲。